آج شاعروں کے شاعر جون ایلیا کا یوم پیدائش ہے
ہم نے بھیجا تو اسے کیا بھیجا
مُژدۂ ترکِ مُدعا بھیجا
کس کا آشوبِ رمز ہے جس نے
خامشی کو صدا صدا بھیجا
یہ بھی ہے عرضِ شوق کا اک رنگ
ہم نے نامہ بر، رقیب کا بھیجا
دل نے بھیجی تجھے متاعِ وفا
دیکھ تو، وہ بھی، جو نہ تھا، بھیجا
اس نے منزل کو بے نشاں رکھ کر
میرے قدموں کو راستہ بھیجا
سفر لذت طلب کے لیے
میں نے بلقیس کو سبا بھیجا
ہم جو خود بھی کہیں نہیں موجود
ہم نے اپنی طرف خدا بھیجا
ہائے رشتوں کی یہ نگہداری
اس کی قُربت نے فاصلہ بھیجا
اپنی خلوت میں مُخبری کے لیے
میں نے خود کو جدا جدا بھیجا
کیا خطا تھی پیمبروں کی بھلا
کیوں غریبوں کو بے خطا بھیجا
جون لوح و قلم کے مالک نے
دوسروں کا لکھا ہوا بھیجا
جون ایلیا
No comments:
Post a Comment