بس ایک ماں ہے جو سکھ میں پڑی نہیں ہو گی

 بس ایک ماں ہے جو سُکھ میں پڑی نہیں ہو گی

کسی بھی شے کی مِرے گھر کمی نہیں ہو گی

پلٹ پلٹ کے میں تکتا تھا اس لیے سب کو

مجھے خبر تھی مِری واپسی نہیں ہو گی

گزرنے والوں نے رستے بدل لیے ہوں گے

اور اب وہ کھڑکی یقیناً کُھلی نہیں ہو گی

یہ کرب آنکھیں مِری سوکھنے نہیں دیتا

کہ میرے بعد بھی اب روشنی نہیں ہو گی 

میں جس کے واسطے پردیس کاٹتا ہوں ابھی

پلٹ کے جاؤں گا گھر تو وہی نہیں ہو گی 

میثم علی آغا