دینِ اسلام کے غدار ہیں لیڈر اپنے
سُودی قرضوں کے طلبگار ہیں لیڈر اپنے
اپنے قانون کی پُوجا سے سکوں پاتے ہیں
رب کے قانون سے بیزار ہیں لیڈر اپنے
ان سے اسلام کے خدمت کی امیدیں چھوڑو
جالِ شیطاں میں گرفتار ہیں لیڈر اپنے
ان کے مرہم سے بھی ملت کے زخم جلتے ہیں
قول و کردار کے مکار ہیں لیڈر اپنے
یہ نہ مذہب سے نہ ملت سے کبھی مخلص تھے
اہلِ مغرب کے وفادار ہیں لیڈر اپنے
ایک دوجے سے الجھتے ہیں مگر اندر سے
باہمی یار و مددگار ہیں لیڈر اپنے
ہدہد الہ آبادی
No comments:
Post a Comment