خیال خام مرا تھا کہ تو کنارہ تھا

خیالِ خام مِرا تھا کہ تو کنارا تھا

کہ تیرے ہاتھ سے اچھا تو بے سہارا تھا

پہاڑ جیسے ہیں ساکت گمان ہے مجھ کو

انہیں بھی مُڑ کے کبھی تو نے ہی پکارا تھا

میں دل کو دل نہ تِرا آستانہ کہتا ہوں

کہ اپنے ہاتھوں سے اس میں تجھے اتارا تھا

تمہارا نام کبھی لب تلک نہیں آیا 

کسی نے پوچھا کہا، زندگی نے مارا تھا

کچھ اس لیے بھی کبھی وقت کو برا نہ کہا

تمہارے ساتھ کبھی ہم نے یہ گزارا تھا

ہزار آئے طلب گار دل کی بستی میں

ہوئی نہ ہم سے خیانت کہ دل تمہارا تھا

اتباف ابرک