تو کبھی ملتا ہمیں تو ہم بھی دنیا دیکھتے

 تُو کبھی ملتا ہمیں تو ہم بھی دنیا دیکھتے

آئینے میں دیکھتے تو تیرا چہرہ دیکھتے

جس کی خاطر اپنا گھر تک خاک کر کے رکھ دیا

ہم اسے یوں کس طرح سے تنہا روتا دیکھتے

خواہشوں میں ایک خواہش کی بہت شدت رہی

وہ ہمیں روتا تو ہم بس اس کو ہنستا دیکھتے 

میرے گھر میں یہ دکھی سے پھول تو کچھ بھی نہیں

وقت پر آ جاتے گر تو جانے کیا کیا دیکھتے

اس جہاں میں درد والے چار چھ ہوتے اگر 

اِک سمندر میری آنکھوں میں بھی ٹھہرا دیکھتے

ہم نے اکثر چاندنی راتوں میں چندا سے سُنا 

کہ ستارے شوق سے ہیں اس کو سوتا دیکھتے

وہ تو میں تھا جو خموشی سے سبھی کچھ سہہ گیا 

مر ہی جاتے جو کبھی تم ویسا ہفتہ دیکھتے

جب جدائی والی باتیں ہو رہی تھیں اس جگہ

کاش! تم شوزب کی آنکھوں کا وہ سکتہ دیکھتے

شوزب حکیم