خاموشیاں پہن کہ میں جب بے زباں رہا

 خاموشیاں پہن کہ میں جب بے زباں رہا

پھر اندروں سے شور سا اکثر رواں رہا

جِس کو تلاش کرتے ہوئے زندگی کٹی

وہ بے پناہ شخص ہی میرا جہاں رہا

کیسے ٹھہرتا مجھ میں کوئی بے گھری لیے

میں ایک خستہ حال سا اجڑا مکاں رہا

خود میں نہ تیرے دل میں کہیں تھی مِری خبر

میں سوچتا ہوں اتنے دنوں میں کہاں رہا

وہ راز جس کو پانے میں صدیاں لگی مجھے

وہ راز کوششوں سے بھی یوں ہی نِہاں رہا

محرومیوں کو چھوڑ کہ آیا میں جس جگہ

کوئی صدا عقب سے لگاتا وہاں رہا

لا پہلا حرف تھا مِرے حق الیقین کا

مجھ کو مِرے یقین پہ اکثر گُماں رہا

زاہد خان