موت سے بات چیت ممکن نہیں

 مشابہت

پنجرے میں بیٹھی مرغیاں 

اور ہسپتال کی گزرگاہوں میں بیٹھے لوگ کتنے ملتے ہیں

مفاہمت

موت سے بات چیت ممکن نہیں 

خوف میں کوئی نغمہ نہیں گایا جاتا 

نہ ہی کوئی کلمہ ممکن ہے

کہیں گولی چلانا پڑتی ہے 

کبھی گھوڑا بھگانا پڑتا ہے 

کچھ شکار آنکھوں سے کئے جاتے ہیں 

مزاحمت

بے کار ہے 

پھندے میں آئے جانور 

گرنے میں زیادہ دیر نہیں لگاتے

ایک مادی جسم کے لیے 

اس سے بہتر جگہ کیا ہو گی کہ 

وہ ایک حسینہ کی آنکھوں میں رات بسر کرے

مدافعت

ایک بوسے کی مار ہے

مباشرت

میں تمہاری زبان بن کر 

خود کو چاٹنا چاہتا ہوں

طاہر راجپوت