مرے ندیم محبت کی آرزو لے کر

 اجتہاد

مِرے ندیم محبت کی آرزو لے کر

میں تیرے در پہ جب آیا تو پیار مِل نہ سکا

کسی کے آنے کی خبریں ہیں اور مِرا دل ہے

ہزار رنج و الم اپنے سر اُٹھائے ہوئے

بہار آئی مگر پھر بھی دل نہیں مسرُور

بہار میں بھی مِرا دل ہے چوٹ کھائے ہوئے

غضب یہ ہے کہ ادا تیری کافرانہ ہے

سراپا حُسن و محبت کا اک فسانہ ہے

ہر ایک خیال ہے، رشکِ شباب و حسنِ تمام

یہ سارا حُسن تِرا دِلفریب ہے مانا

مگر حیاتِ محبت کا ساتھ دے نہ سکا

سہارا دے بھی تو کیسے فقط خیالِ حسیں

کہ زندگی تو کوئی اجتہاد چاہتی ہے

سوال یہ ہے اسیری ہے یا آزادی؟

ابھی یہ طے ہی نہیں زندگی کسے کہیۓ

گزر رہی ہے یونہی بے مراد و بے مقصد

رحمان جامی