عشق ناکام تمنا جان محروم سکوں

 عشق ناکام تمنا،۔ جان محروم سکوں

تُو ہی بتلا اے محبت! اس طرح کب تک جیوں

شعلۂ شمع محبت،۔ گرمئ سوزِ دروں

پھونک دے سب خِرمنِ دل اور میں دیکھا کروں

بزمِ ہستی میں کسے ہو سر بلندی پر غرور

آسماں کو دیکھیے اس اوج پر ہے سر نِگوں

اک فریبِ دِید ہے حٗسنِ بہار و گُلستاں

اک طلسم آب و گِل ہے یہ جہاں ٭کاف و نوں

داستانِ شوق،۔ رُودادِ محبت،۔ حالِ دل

آپ گر پوچھیں کبھی مجھ سے تو میں سب کچھ کہوں

پھر کہاں ساقی کی محفل، پھر کہاں یہ مے کدہ

اب جو آیا ہوں یہاں تک کچھ نہ کچھ پیتا چلوں

ایک مجبورِ تمنا زیست باقی ہے اثر

سوچتا ہوں وہ بھی نذرِ عشوۂ قاتل کروں

اثر بہرائچی

٭کاف و نوں: حرف کُن