عارفانہ کلام حمد نعت منقبت
خود کو درِ رسولؐ کے جب رو بہ رو کریں
خاکِ درِ رسولؐ سے پہلے وضو کریں
مزدور ہیں غریب ہیں نادار ہیں، مگر
ہر پل درِ رسولؐ کی ہم آرزو کریں
دے کر دعائیں سنّتِ سرورؐ نبھائیں گے
ہم پر ستم ہزار ہمارے عدو کریں
تم خاتم النبیﷺ ہو، تمہی نورِ کبریا
ہم خاک ہو کے نور پہ کیا گفتگو کریں
ضامن یہی ہے دہر میں امن و امان کا
قائم نظامِ اُمیّ لقب چار سُو کریں
سرور خدا کی حمد سے آقاؐ کی نعت سے
آغاز اپنی صبح کا میں اور تُو کریں
رفیق سرور
No comments:
Post a Comment