اذان اللہ اکبر کی دل نشیں آواز

 عارفانہ کلام حمد نعت منقبت

ہمارے گاؤں کی مسجد ہمیں بلاتی ہے حصہ دوم

اذان اللہ اکبر کی دل نشیں آواز

اذان اشہد اللہ لا الہ الا اللہ 

اذان اشہد ان محمد الرّسول اللہ 

اذان نامۂ شوقِ وصال دیتی ہے 

خطوطِ نُور کی لہریں اچھال دیتی ہے 

اسی صدا سے مقدّر بھی جاگ جاتے ہیں 

اسی صدا سے شیاطین بھاگ جاتے ہیں 

اذان ایک خطِ امتیاز کھینچتی ہے 

رسولؐ سے ہے محبت، تو پھر نماز کھینچتی ہے 

اذان اپنے نمازی تلاش کرتی ہے 

نماز اپنی جماعت تلاش کرتی ہے 

جماعت اپنی امامت تلاش کرتی ہے 

امام کون؟

وہی رسول کریمﷺ انبیاء جن کے مقتدی ٹھہرے

یا وہ نواسۂؑ رسولِ امیںﷺ 

کہ جس نے امامت کو زندگی بخشی 

کٹا کے سر اور لُٹا کے گھر اپنا 

شہادتوں کی حرارت کو بندگی بخشی

نماز تحفہ ہے اللہ کی محبت کا 

نماز آنکھوں کی ٹھنڈک رسول اکرمﷺ کی 

نماز حق ہے کہ مومن کی زندگی بھی ہے 

نماز اصل میں معراج بندگی بھی ہے 

نماز اوّلیں پُرسش ہے روز محشر کی 

نماز چھاؤں ہے محشر میں سبز چادر کی 

نماز بوسۂ حُورانِ خُلدِ خواب و خیال 

نماز اشکِ ندامت ہے قطرۂ انفعال 

نماز رنگِ تمنا ہے اور عرضِ حال  

نماز خوف خدا 

شرم جی حضوری بھی 

نماز قرب محبت، وفا کی سرگوشی 

نماز ناز و نیاز کا عجب انداز 

نماز بندگی، بندہ و بندہ نواز

نماز فکر کی ترغیب دیتی رہتی ہے 

نماز دین کا ہے اک ستون مستحکم 

نماز شکر کا سجدہ ہمیں سکھاتی ہے 

نماز ذکر الٰہی میں ڈوب جاتی ہے 

نماز شانۂ مصطفیٰﷺ پہ پلتی ہے 

نماز زہراؑ کی گودی میں کھیلتی بھی ہے 

نماز حضرت علیؑ کو شجاع بناتی ہے 

یہ فاقہ مست کو شیرِ خدا بناتی ہے 

نماز رات کو جب آئینہ بناتی ہے 

حیا کا راز ہے ہرگز یہ کُھل نہیں سکتا 

قسم خدا کی مصلیٰ کو کیا بناتی ہے 

نماز گھر کے گھرانے سے  سر اٹھاتی ہے 

نماز روشنی دیتی ہے زندگی کیا ہے 

نماز بندے کو کہتی ہے؛ بندگی کیا ہے

اشہد کریم الفت