عزت غم سرور ہے دل میں بھی زباں پر بھی

 عارفانہ کلام حمد نعت منقبت

عزت غم سرور ہے دل میں بھی زباں پر بھی

میرے لیے جنت بھی، میرے لیے کوثر بھی

سرور کی عبادت ہے دیدِ رُخِ اکبرؑ بھی

پھر جاتی ہے نظروں میں تصویر پیمبرؐ بھی

تاریخ نے دیکھے ہیں زینبؑ کے وہ تیور بھی

لب کھولے بدل ڈالی تحریر مقدر بھی

تھراتا تھا میداں بھی لرزاں تھے ستمگر بھی

کیا ضربِ مسلسل تھی خاموشئ اصغرؑ بھی

ہمراہ شہِ دیںؑ ہیں عباسؑ بھی، اکبرؑ بھی

ہیں فوجِ حسینیؑ میں حیدرؑ بھی پیمبرؑ بھی

ہے سبطِ پیمبرؐ میں کردارِ پیمبرؐ بھی

اک سطح پہ روشن ہے آئینہ بھی جوہر بھی

کیا درد بہ داماں ہے عزت! غمِ سرورؑ بھی

انسان تو انساں ہے رو دیتے ہیں پتھر بھی

عزت لکھنوی