عجب حال ہے میرے دل کی خوشی کا
ہوا ہے کرم مجھ پہ جب سے کسی کا
محبت مِری یہ دُعا مانگتی ہے
تِرے ساتھ طے ہو سفر زندگی کا
نہ دو مجھ کو پیغامِ ترکِ تعلق
کچھ احساس کر لو مِری بے بسی کا
مِرا دل نہ توڑو ذرا اتنا سوچو
مناسب نہیں توڑنا دل کسی کا
تمہیں اب ترس مجھ پہ آیا تو کیا ہے
بھروسہ نہیں اب کوئی زندگی کا
ابھی آپ واقف نہیں دوستی سے
نہ اظہار فرمائیے دوستی کا
نہ آنا صبا اُن کی باتوں میں ہرگز
نہیں ہے جہاں میں بھروسہ کسی کا
صبا بلرامپوری
صبا بلرام پوری
No comments:
Post a Comment