سروش غیب ہے گویا زبان حمد خدا

 عارفانہ کلام حمد نعت منقبت

سروشِ غیب ہے گویا زبانِ حمدِ خدا

ہے جبرئیلؑ تکلم بیانِ حمدِ خدا

ہر ایک بول سے بالا ہے شانِ حمدِ خدا

خدا کی شان ہے شانِ نشانِ حمدِ خدا

ہے فرضِ نطق زبانِ آفریں کی حمد و ثنا

سخن کی جان ہے جانِ آفریں کی حمد و ثنا

ز بس جمیل بھی ہے اسمِ قادرِ متعال

تو کس طرح سے دکھایا ہے اس نے اپنا جمال

حسین خلق کیے کیسے کیسے با اقبال

کہ جن کے حسن سے ہوتا ہے اس کا استدلال

وہ کون ختمِ رسالتﷺ اور آلِ پاکؑ ان کی

کہ محفلِ نورِ خدا اصل میں ہے خاک ان کی

مرزا اوج لکھنوی

مرزا محمد جعفر اوج