دولت مدح نبی دین کا سرمایا ہے

 عارفانہ کلام حمد نعت منقبت

دولت مدح نبیﷺ دین کا سرمایا ہے

اسی نایاب رقم سے یہ شرف پایا ہے

کلمہ پڑھتی ہے فصاحت وہ مِرا پایا ہے

بیت ہر اک مِری قرآن کا اک آیا ہے

عرش منبر پہ مکیں ہوں یہ قرینہ دیکھیں

کلمہ گو مِری معراج کا زینہ دیکھیں

واہ رے ذکر، کہ آواز ثنا آتی ہے

میری امداد کو تائید خدا آتی ہے

بزم میں گلشن جنت کی ہوا آتی ہے

إِنَّما أَنْتَ مُذَكِّرٌ کی صدا آتی ہے

ذکر سرورؐ کا بیاں کیا ہو کہ جو پایا ہے

وَ رَفَعْنا لَكَ قرآن میں جب آیا ہے

بزم آفندی