عارفانہ کلام حمد نعت منقبت
بڑے شان والے ہیں پیارے محمدﷺ
ہیں ٹوٹے دلوں کے سہارے محمدﷺ
محمدﷺ محمدﷺ ہیں پیارے محمدﷺ
نگاہِ کرم ان کو ہو جائے جس پر
وہ دل کی زباں سے پکارے محمدﷺ
محمدﷺ محمدﷺ ہیں پیارے محمدﷺ
وہ دی جس نے دنیا کی ماؤں کو عزت
وہ ہیں آمنہؑ کے دُلارے محمدﷺ
محمدﷺ محمدﷺ ہیں پیارے محمدﷺ
چلے آئے شمس و قمر دیکھنے کو
کھڑے فاطمہؑ کے دوارے محمدﷺ
محمدﷺ محمدﷺ ہیں پیارے محمدﷺ
وہ ٹوٹے وہ پھر ٹوٹ کر جڑ بھی جائے
کریں چاند کو جب اشارے محمدﷺ
محمدﷺ محمدﷺ ہیں پیارے محمدﷺ
ازل سے ابد تک جو دے رہنمائی
وہ روشن چمکتے ستارے محمدﷺ
محمدﷺ محمدﷺ ہیں پیارے محمدﷺ
گواہی جو چاہو گے دونوں جہاں سے
تو مل کر پکاریں یہ سارے محمدﷺ
محمدﷺ محمدﷺ ہیں پیارے محمدﷺ
نائلہ ریاض بٹ
No comments:
Post a Comment