عارفانہ کلام حمد نعت منقبت
بعد احمدؐ کے کچھ اس طرح سے بگڑا تھا نظام
بِدعتیں عام تھیں، احکام شریعت تھے حرام
چند ہاتھوں میں کھلونے کی طرح تھا اسلام
شہؑ سے دیکھا نہ گیا مٹتے ہوئے حق کا پیام
حق کی تبلیغ کو ہاتھوں پہ لیے سر نکلے
لے کے شبیرؑ مدینے سے بھرا گھر، نکلے
ساتھ چُن چُن کے لیے گُلشنِ زہراؑ کے گُلاب
علی اصغرؑ کا تبسّم،۔ علی اکبرؑ کا شباب
لعل زینبؑ کے زمانے میں نہیں جن کا جواب
بن گئے خِرمنِ باطل کے لیے حق کا عتاب
تخت شاہی کی نگاہوں میں نگاہیں ڈالے
چڑھ گئے دار پہ آغوشِ علیؑ کے پالے
علی محمد رضوی
No comments:
Post a Comment