تاجِ نبی کا سرخ نگینہ ہے کربلا

 عارفانہ کلام حمد نعت منقبت

مسدس در مدح شہدائے کربلا سے

تاجِ نبیﷺ کا سُرخ نگینہ ہے کربلا

ضو بار و زر نگار خزینہ ہے کربلا

نایاب موتیوں کا دفینہ ہے کربلا

مکہ ہے کربلائی، مدینہ ہے کربلا

ہے اس زمیں کا ذکر نہ اس آسمان کا

یہ دوسرا پتہ ہے نبیﷺ کے مکان کا

٭

مانا مدینہ فخر تو فاخر ہے کربلا

مانا مدینہ عمر تو عامر ہے کربلا

مانا مدینہ شکر تو شاکر ہے کربلا

مانا مدینہ صبر تو صابر ہے کربلا

ظاہر کہاں محاسنِ اہلِ حرم نہیں

درجات کربلا کے مدینہ سے کم نہیں

شمیم امروہوی