عارفانہ کلام حمد نعت منقبت
جب کھلا مجھ پر کتابِ عشق کا بابِ وفا
نقش تھا عنوان عباسِؑ علمدارِ وفا
کس قدر ذیشان ہے تیرا پسر امّ البنینؑ
آج بھی عظمت کے گن گاتی ہے موجِ علقمہ
تُو علیؑ کا چین زہراؑ کی دعا زینُ الحسنؑ
اور ہے شبیرؑ کا ناصر، غرورِ مصطفیٰؐ
لشکرِ اسلام کی تُو نے علمداری جو کی
زیر کر ڈالا عدو کو در زمینِ کربلا
مجھ گنہگارِ جہاں سے تیری مدحت ہو کہاں
من کجا ہمت ندارم، نورعین مرتضیٰؑ
اس قدر مہر و وفا کے نقش روشن کر دٸیے
آج بھی منسوب تیرے نام سے لفظِ وفا
واسطہ عباسؑ کا دے کر خدا سے میں ضیا
مانگ لیتا ہوں ہمیشہ ہر تمنا، ہر دعا
ضیاء بلتستانی
No comments:
Post a Comment