تا قیامت ہے رسالت آپ کی

عارفانہ کلام حمد نعت منقبت

 تا قیامت ہے رسالت آپﷺ کی

سب پہ واجب ہے اطاعت آپﷺ کی

شمع ہر سُو نعمتوں کی جل گئی

جب بھی مانگا ہے وساطت آپﷺ کی

ٹل ہی جائے گا یہ عذابِ حشر بھی

ساتھ ہو گی جب شفاعت آپﷺ کی

آبرو سے گزری ہے یہ زندگی

جب سے اپنائی ہے سنت آپﷺ کی

خالی ہے حسنِ عمل سے دل میرا

ڈھانپ لے گی مجھ کو رحمت آپﷺ کی

بے طلب سب کو دئیے جاتے ہیں آپؐ

ہے عیاں سب پہ سخاوت آپﷺ کی

شاد ہو جاتا ہے ذہن و دل مِرا

جب شمیم کرتی ہو مدحت آپﷺ کی

شمیم چودھری