عارفانہ کلام حمد نعت منقبت
مہکی ہوئی ہیں نوری قبائیں درودﷺ میں
شامل ہیں قدسیوں کی صدائیں درودﷺ میں
آتا ہے ذکرِ آل بھی ذکرِ نبیﷺ کے بعد
دیکھی ہیں انّما کی ادائیں درودﷺ میں
مقصود ذکر ہے شۂ عصمت مآبﷺ کا
پہلے تمام لفظ نہائیں درودﷺ میں
پیڑوں نے سر پہ سبز عمامے سجا لیے
مصروف ہیں چمن کی فضائیں درودﷺمیں
تجھ کو قبولیت کی سند چاہیے اگر
ملفوف کر کے بھیج دعائیں درودﷺ میں
عدنان محسن
No comments:
Post a Comment