عارفانہ کلام حمد نعت منقبت
جو رازِ اسمِ محمدﷺ کو جان پائیں گے
وہ سطحِ آب پہ سورج کو کھینچ لائیں گے
درود پڑھتے ہوئے یہ یقین رکھتے ہیں
کریم ہیں وہؐ کسی دن ہمیں بلائیں گے
جو شانِ سرورِ کون و مکاں بیان کریں
فلک نصیب ہیں، پلکوں پہ ہم بٹھائیں گے
ہے جشنِ آمدِ خیر الورىٰ، تو محفل میں
بلائیں یا نہ بلائیں، فرشتے آئیں گے
جو انؐ کی آلؑ کی تشنہ لبی پہ رویا ہے
وہ اپنے ہاتھ سے کوثر اسے پلائیں گے
سیاہ بخت کو رخشندگی عطا ہو گی
حروفِ نعت مقدر مِرا جگائیں گے
رخشندہ بتول
No comments:
Post a Comment