عارفانہ کلام حمد نعت منقبت
شعر میں آنے لگے گی تازگی یعنی علیؑ
جب ملے گی آگہی کو روشنی یعنی علیؑ
عرش کی جانب روانہ کر دیا میں نے خیال
اب فرشتے بھی کریں گے شاعری یعنی علیؑ
اُس طرف ’لَو لَا‘ کا نعرہ اور ’سَلُونِی‘ اِس طرف
ہم نے پایا ہے فرازِ آگہی، یعنی علیؑ
ہم نہ اہلِ زر سے مانگیں گے کبھی خیراتِ زر
ہم تو رکھتے ہیں مزاجِ بُوذریؓ یعنی علیؑ
ہم علیؑ والے کبھی مرتے نہیں، مٹتے نہیں
ماؤں نے ہم کو پلائی زندگی یعنی علیؑ
جتنا پیتا جا رہا ہوں جامِ حبِّ مصطفیٰﷺ
اتنی بڑھتی جا رہی ہے تشنگی یعنی علیؑ
واری صدقے اس کے صدق وعدل و استغنا پہ میں
ہاں وہی صدیقؓ و فاروقؓ و غنیؓ یعنی علیؑ
ثاقبا! لہجے میں ہے سازِ مؤدّت کا خمار
لفظ میرے مانگتے ہیں نغمگی یعنی علیؑ
عباس ثاقب
No comments:
Post a Comment