لگتا ہے مرا بھائی علی بول رہا ہے

 عارفانہ کلام حمد نعت منقبت

لگتا ہے مِرا بھائی علیؑ بول رہا ہے

یہ پیشِ جلی میرا نبیﷺ بول رہا ہے

پہنچے سرِ معراج تو کہتے ہیں محمدﷺ 

لہجے میں بھلا کس کے جلی بول رہا ہے

جب غور سے آوار سنی بولے پیمبرﷺ 

شاید کہ مِرا اپنا کوئی بول رہا ہے

پردے کو ہٹایا تو محمدﷺ نے یہ دیکھا

چھوڑا جسے بستر پہ وہی بول رہا ہے

جب عرش پہ پہنچا تو مہک آئی علیؑ کی

اصحاب سے یہ بات نبیﷺ بول رہا ہے

آواز علیؑ کی ہے مگر سن لے نصیری 

پردے سے مِرے رب کا ولی بول رہا ہے

حیدرؑ کے فضائل کی نجف بات الگ ہے

یہ ساتھ زباں کے مِرا جی بول رہا ہے

نجف زیدی