عارفانہ کلام حمد نعت منقبت
قلم کی اس صداقت کو زمانے مان لیتے ہیں
قصیدہ لکھتے ہیں تو لہجۂ قرآن لیتے ہیں
تمنا ہے کہ مدحت کا اثر ہو روح پر اپنی
علیؑ کا ذکر سننے کو خدا سے کان لیتے ہیں
زمانہ تیز ہے لوگوں نے چہرے اوڑھ رکھے ہیں
علیؑ کا ذکر کر کے ہم انہیں پہچان لیتے ہیں
عدوئے مرتضیؑ کو تو خدا نہ منہ لگائے گا
مقصّر کو تو چہرے سے سبھی پہچان لیتے ہیں
نہ تیرے چار پورے ہوں نہ میرے پانچ پورے ہوں
چلو دونوں، علیؑ مولا کو یکساں مان لیتے ہیں
رافع بخاری
No comments:
Post a Comment