عارفانہ کلام حمد نعت منقبت
چار سو پھیلتا جاتا ہے سویرا تیرا
یا نبیؐ خوش ہے بہت چاہنے والا تیرا
یہ مِرے شعر کی معراج نہیں تو کیا ہے؟
نام یوں مصرعۂ موزوں میں سمانا تیرا
بخششیں کرتی ہے اِک نیم نگاہی تیری
معتبر کرتا ہے کم تر کو حوالہ تیرا
منتظر رہتے تھے ہر آن ملائک تیرے
آیتوں سے بھرا رہتا تھا دریچہ تیرا
پرچمِ ظلمتِ ہستی کی ہَوا بند ہوئی
اور کُھلا بامِ دو عالم پہ پھریرا تیرا
تجمل کاظمی
No comments:
Post a Comment