ذرا سی بات پہ یوں دل برا نہیں کرتے

 ذرا سی بات پہ یوں دل برا نہیں کرتے

کہ جن پہ مان ہوں ان سے گِلہ نہیں کرتے

تیری عطا ہے سو دل سے لگائے بیٹھے ہیں

ہر ایک درد تو ہم بھی سہا نہیں کرتے

تمہیں بھی پیار ہے اور بےقرار ہم بھی ہیں

تو کیوں ملن کا کوئی سلسلہ نہیں کرتے

تھکے تھکے سے قدم یہ بتا رہے ہیں مجھے

کبھی کے بچھڑے کبھی بھی ملا نہیں کرتے

سجن تو مان بھی جائے تو چپ رہو پاگل

یہ راز دل کے کسی سے کہا نہیں کرتے

خدانخواستہ یہ لوٹ کر نہ آ جائے

سو میری جان! کبھی بد دُعا نہیں کرتے

فرزانہ ساجد