راس ہے اس وطن کو فضا نعت کی

 عارفانہ کلام حمد نعت منقبت

راس ہے اس وطن کو فضا نعت کی

چل رہی ہے یہاں پر ہوا نعت کی

ہر کہیں ہیں “رفعنا” کی تابانیاں

ہر طرف گونجتی ہے صدا نعت کی

پرتوِ سبز گنبد ہے پرچم مِرا

لہلہاتی ہے اس پہ ضیاء نعت کی

قریۂ عشق احمدﷺ ہے یہ سرزمیں

کیوں نہ ہو یہ محبت سرا نعت کی

شاہ کو یاں سے ٹھنڈی ہوا آئی تھی

اس لیے ہے دھنک جا بجا نعت کی

سارے اہل سخن اس سے ہوں فیض یاب

روشنی سب کو دے اے خدا نعت

پھر ہوا مجھ پہ سرور نزول کرم

پھر سے کھڑکی کھلی مرحبا نعت کی

سرور حسین نقشبندی