ابھی گناہ کا موسم ہے، آ! شباب میں آ
نشہ اترنے سے پہلے مِری شراب میں آ
دھنک سی خواب سی خوشبو سی پھر برس مجھ پر
نئی غزل کی طرح تُو مِری کتاب میں آ
اٹھا نہ دیر تک احسان موسمِ گل کا
میں زندگی ہوں مجھے جی، مِرے عذاب میں آ
وہ میرے لب کے پرندے وہ تیرا جھیل بدن
بجھا نہ پیاس مِری تُو مگر سراب میں آ
ترے دریچے سے ہے دور میرا دروازہ
اگر تُو درد ہے میرا تو دل کے باب میں آ
میں تجھ کو جاگتی آنکھوں سے چھو سکوں نہ کبھی
مِری انا کا بھرم رکھ لے، میرے خواب میں آ
عبداللہ کمال
نشہ اترنے سے پہلے مِری شراب میں آ
دھنک سی خواب سی خوشبو سی پھر برس مجھ پر
نئی غزل کی طرح تُو مِری کتاب میں آ
اٹھا نہ دیر تک احسان موسمِ گل کا
میں زندگی ہوں مجھے جی، مِرے عذاب میں آ
وہ میرے لب کے پرندے وہ تیرا جھیل بدن
بجھا نہ پیاس مِری تُو مگر سراب میں آ
ترے دریچے سے ہے دور میرا دروازہ
اگر تُو درد ہے میرا تو دل کے باب میں آ
میں تجھ کو جاگتی آنکھوں سے چھو سکوں نہ کبھی
مِری انا کا بھرم رکھ لے، میرے خواب میں آ
عبداللہ کمال
No comments:
Post a Comment