دل کی آواز بھی سن میرے فسانے پہ نہ جا

 فلمی گیت

دل کی آواز بھی سن میرے فسانے پہ نہ جا

میری نظروں کی طرف دیکھ زمانے پہ نہ جا

دل کی آواز بھی سن

اک نظر دیکھ لے جینے کی اجازت دے دے

روٹھنے والے وہ پہلی سی محبت دے دے

عشق معصوم ہے، الزام لگانے پہ نہ جا

میری نظروں کی طرف دیکھ زمانے پہ نہ جا

وقت انسان پہ ایسا بھی کبھی آتا ہے

راہ میں چھوڑ کے سایہ بھی چلا جاتا ہے

دن بھی نکلے گا کبھی رات کے آنے پہ نہ جا

میری نظروں کی طرف دیکھ زمانے پہ نہ جا

میں حقیقت ہوں یہ اک روز دکھاؤں گا تجھے

بے گناہی پہ محبت کی رلاؤں گا تجھے

داغ دل کے نہیں مٹتے ہیں مٹانے پہ نہ جا

میری نظروں کی طرف دیکھ زمانے پہ نہ جا

شیون رضوی