مجھ سے نفرت کرتے کرتے تو بھی مجھ سا ہو گیا

 مجھ سے نفرت کرتے کرتے تُو بھی مجھ سا ہو گیا

شکریہ اے شخص! میرا بوجھ ہلکا ہو گیا

چند ہی رعنائیاں ہیں اس جہانِ خاک میں

دل ہوا، دریا ہوا یا اس کا چہرہ ہو گیا

کیا عجب تدبیر سے روکا ہے اس نے میرا وار

میں نے جب تلوار اٹھائی، وہ نہتّا ہو گیا

عشق وہ سرکس ہے اے نوواردانِ شہرِ دل

جو تماشا کرنے آیا خود تماشا ہو گیا

وہ گیا تو بڑھ گئی اس کی طلب راز احتشام

سوکھ جانے پر یہ دریا اور گہرا ہو گیا

راز احتشام