میں اب تمہاری باتوں میں آنے والا نہیں

 میں اب تمہاری باتوں میں آنے والا نہیں

سب کے سامنے اپنا تماشا بنانے والا نہیں

اب اگر کوئی پوچھے گا بھی تو میں اُسے

تمہارے گھر کا پتہ بتانے والا نہیں

بے وجہ رُوٹھے ہو، مان جاؤ تو اچھا ہے

میں تو اب ہر گز تمہیں منانے والا نہیں

لمبی نیند سویا تو یہ کہہ کے دفنا دیا گیا

یہ مُردہ اب کسو کے کام آنے والا نہیں

جو پرندہ اُڑا ہے میرا پنجرہ لے کر

میں اسے مار کے واپس لانے والا نہیں

زمانے نے جو مجھ پہ کیے ہیں ستم فرہاد

اتنی جلدی انہیں میں بُھلانے والا نہیں

معاذ فرہاد