یہ منصوری سا من میرا بہت ہی سرکش ہوا ہے اب

 یہ منصوری سا من میرا

بہت ہی سرکش ہوا ہے اب

کہ ہو کر خود سے بے گانہ

سبُو اک تھام لیتا ہے

تیرا ہی نام لیتا ہے

حسیں پونم کی راتوں میں

چمکتے چاند کا جب 

ندی پر عکس پڑتا ہے

یہ پاگل رقص کرتا ہے

تجھے ہی یاد رکھتا ہے

زمانہ بُھول جاتا ہے

کہیں سرکش چڑھے سُولی

فسانہ بُھول جاتا ہے

نجانے کون سی بھٹی میں یہ دن رات جلتا ہے

نہ جل کر خاک ہوتا ہے

نہ بُجھ کر خاک ہوتا ہے

یہ منصوری سا من میرا

تیرا مجرم 

تیرا قیدی

تیرے ہی دربار میں حاضر

سزا کا منتظر ٹھہرا

سزا کا ڈر نہیں اس کو

جزا سے بھی نہیں مطلب

تمنا ہے ستائش کی

نہ ہی پرواہ بدلے کی

اسے تو بس تمہارے ہاتھ سے سُولی چڑھنا ہے

اسے منصور بننا ہے

جینا قریشی