دِیے نگاہوں کے اپنی بجھائے بیٹھا ہوں
تجھے میں کتنے دنوں سے بھلائے بیٹھا ہوں
مِرے لیے ہی دھڑکتا ہے کائنات کا دل
کہاں اکیلا کوئی بوجھ اُٹھائے بیٹھا ہوں
غبارِ راہ اُڑے تو کوئی اُمید جگے
میں کب سے راہ میں پلکیں بچھائے بیٹھا ہوں
ہُنر جو خواب چُرانے کا میں نے سیکھا ہے
یہاں پہ کتنوں کی نیندیں اُڑائے بیٹھا ہوں
کہیں وہ مجھ سے مجھے مانگ لے تو کیا ہو گا
میں اپنے آپ کو کب کا گنوائے بیٹھا ہوں
سرفراز نواز
No comments:
Post a Comment