اے دشمنِ جاں تم کو میری مات مبارک
ابتر جو میرے ہیں رہے حالات مبارک
نا گفتہ بیاں ہیں جنہیں میں کہہ نہ سکی تھی
سینے میں سلگتے وہی جذبات مبارک
دشمن سے مل کے تم نے بہت ڈھائے ہیں ستم
کیا خوب ہیں اطوار و خیالات مبارک
کھل کر میرے رقیب سے تم آج ملے ہو
پر کیف کتنے ہوں گے وہ لمحات مبارک
بس ہم ہی تیری یاد میں مرتے رہے صدا
تم نے نہ خبر لی یہ عنایات مبارک
بُت بھرم کے توڑے گئے ہیں میرے صدا سے
اور کر نہ سکی ہوں میں شکایات مبارک
سیما چلی ہے دے کے، اپنی زندگی کو مات
تم خوش رہو یہ خوشیوں کی سوغات مبارک
سیما عباسی
No comments:
Post a Comment