عارفانہ کلام منقبت سلام مرثیہ
ہے دشتِ دہر بہت پُر غبار آ جاؤ
مِرے سوار، مِرے شہسوار آ جاؤ
زمیں خدا کی ہے ظلم و فساد سے بیزار
مِرے امام، مِرے شہریار آ جاؤ
کمالِ شوق ہے گلشن میں پھول کھلتے ہیں
سدھار جاتے ہیں بے گانہ وار آ جاؤ
فلک پہ چاند ستارے ہیں کب سے چشم براہ
ہے کہکشاں نگہِ انتظار آ جاؤ
ہیں آسمان و زمیں ایک دیدۂ بےخواب
نگارِ محملِ لیل و نہار آ جاؤ
کرار حسین
No comments:
Post a Comment