تِری چاہت کا ہر دوزخ بُجھا دینے کو کافی ہے
یہ اک آنسو مجھے دریا بنا دینے کو کافی ہے
کسی خُوشبو کے جھونکے کا سمندر پار سے آنا
مِرے حق میں کوئی ڈالی جُھکا دینے کو کافی ہے
تم اپنی ہار پر مجھ کو مبارکباد دیتے ہو
اچانک یہ خُوشی مجھ کو رُلا دینے کو کافی ہے
یہی گمنامیاں میری مجھے اک نام بخشیں گی
یہی چھوٹی سی اک لغزش ہوا دینے کو کافی ہے
مجھے معلوم ہے کہ میں بڑے کردار والا ہوں
یہی احساس خود کو سزا دینے کو کافی ہے
رشید امکان
No comments:
Post a Comment