زہر لگتى ہے تمناؤں کى جھرمٹ مجھ کو

 زہر لگتى ہے تمناؤں کى جُھرمٹ مجھ کو

پاس رکھنا بھى تو لازم ہے يہ حُرمت مجھ کو

میں فقط ایک ہى تصوير سے کرتا ہوں کلام

بس يہى ايک ہى ہے جس سے محبت مجھ کو

يہ جو دِکھنے میں بہت خوش ہے، اداکارى ہے

کرنى آتى ہى نہیں ايسى وضاحت مجھ کو

چاہے اَلماس کا نقصان ہى کيوں سر نہ لگے

روک ليتى ہے فريبى سے نصيحت مجھ کو

مجھ پہ الزام نہ لگ جائے بھٹک جانے کا

جيسے اس راہ پہ لے جاتى ہے حسرت مجھ کو

گفتگو کُھل کے میں کرنے سے بہت ڈرتا ہوں

لگ نہ جائے کہيں پھر سے کوئى تہمت مجھ کو

رات کو دير تک آنکھوں سے خفا نيند ہو تو

تھپکیاں دے کے سُلاتى ہے محبت مجھ کو

ڈر جو لگتا ہے تو سايے سے لپٹ جاتا ہوں

بارى سے جھانکتى ہے پھر کوئى وحشت مجھ کو

ميرى فطرت میں ہے صابر کہ میں آزاد لکھوں

مار ڈالے نہ کسى دن ميرى فطرت مجھ کو

صابر فرحان بلتستانی