میں آئینہ ہوں شخص اور عکس تو ہے

میں آئینہ ہوں شخص اور عکس تُو ہے

میں غائب ہوں تو تِرے ہی رُوبرُو ہے

میں آئینہ ہوں شخص اور عکس تُو ہے

میں گُپ چُپ ہوں تجھ سے تجھے گُفتگو ہے

وہ ہے کون سا دل نہیں جس میں تُو ہے

وہ ہے کون سا گُل نہیں جس میں بُو ہے

ہوا وصل جب آ گیا یہ سمجھ میں

نہیں تُو ہے میں ہوں نہیں میں ہوں تُو ہے

کدھر سر جُھکاؤں سو فرماؤ قبلہ

تمہارا تو جلوہ عیاں چار سُو ہے

وطن حشر میں کس کو دیکھوں میں جا کر

مِرا یار ہر پل مِرے رُوبرُو ہے

وطن حیدرآبادی