عارفانہ کلام نعتیہ کلام
کر اے ہندو بیاں اس طرز سے تُو وصف احمدؐ کا
مسلمان مان جائیں لوہا سب تیغِ مہنّد کا
جدا کیا لام دلو رام ہے میم محمدﷺ سے
تعلق سو طرح کا ہے مشدد سے مشدد کا
یہی ہر چار عنصر کا اشارہ ہے کہ لے رستہ
مدینے کا، نجف کا، کربلا کا اور مشہد کا
محمدﷺ کی شفاعت پر یقیں تھا نعت گویوں کو
کسی نے قافیہ باندھا نہیں اب تک جو شاید کا
لکھوں کیا کوثری میں کون سا قصہ ہے اب باقی
محمدﷺ خدا کا ہے، خدا جب ہے محمدﷺ کا
کوثر علی کوثری (دلو رام کوثری)
No comments:
Post a Comment