میری مُونس ہے تُو حالات سے مایوس ابھی
اِسی محدود فضا میں ہے تُو محبوس ابھی
تُو نے دیکھا تِرے اپنے ہی ستارے کا گہن
جِس کی توسیع دِلِ زار کو آزار رہی
تُو نے دیکھا یہ زمیں کِشتِ جرائم ٹھہری
بنتِ حوّا تو یہاں یُوں بھی گنہگار رہی
مُردہ تہذیب کی پرچھائیں ہے منحوس ابھی
مِری مُونس ہے تُو حالات سے مایوس ابھی
جاہ و منصب کی بھی توہین ہے پاجی مخلوق
جو سدا حِرص و تکبّر میں گِرفتار رہی
ہم نے قانون کا رکھّا جو بہ ہر رنگ خیال
کیا کہیں کتنی سیہ کار وہ سرکار رہی
عبدالرزاق بے کل
No comments:
Post a Comment