مجھ میں شعلہ سا یہ تُو نے جو بھڑکتا دیکھا
اس نے اے حُسن تِری چاہ میں کیا کیا دیکھا
تُو بنا سوہنی مہِیوال یہی تھا برسوں
تُو جو تھا ہیر رہا یہ تِرا رانجھا برسوں
تُو زلیخا ہے اگر یوسفِ کنعاں یہ ہے
تُو خریدار ہے جِس کا وہی انساں یہ ہے
تُو جو عذرا تھا یہ وامق کی سی تصویر بنا
اور تُو ہاتھ جو آیا تِری تقدیر بنا
اس نے ہر وصل کی شب تھا تجھے بے باک کیا
تُو نے جلنے سے بچایا جو اسے خاک کِیا
تُجھ کو الفت میں اسی کی ہیں کئی روگ ملے
پِھر اسے تیرے تصور میں کئی لوگ ملے
اے مِری جانِ غزل تیری ضرورت ہے ابھی
عہدِ حاضر کو بچانا تِری صورت ہے ابھی
کاش یہ پیار بہ ہر طور مکمل ہو جائے
یا کسی روز سراپا تِرا بے کل ہو جائے
عبدالرزاق بے کل
No comments:
Post a Comment