ہر نقش مٹا جانا جانے سے ذرا پہلے

 ہر نقش مٹا جانا جانے سے ذرا پہلے

اس گھر میں ذرا جانا جانے سے ذرا پہلے

جینے کا ہنر مجھ کو یہ دنیا سکھا دے گی

مرنے کا بتا جانا جانے سے ذرا پہلے

خط پیار بھرے اپنے اور اپنی یہ تصویریں

لو آپ جلا جانا جانے سے ذرا پہلے

وہ بات بھلا کیا تھی پہنچی جو بچھڑنے تک

وہ بات بتا جانا جانے سے ذرا پہلے

رنج اس کے بھی دل میں تھا عارش سے بچھڑنے کا

اشکوں کا وہ آ جانا جانے سے ذرا پہلے

عارش کاشمیری