عارفانہ کلام حمد نعت منقبت
میں بھی آنکھوں سے کبھی گنبدِ خضرا دیکھوں
آرزو ہے شہِ بطحاﷺ کا میں روضہ دیکھوں
پہلے مکے میں رہوں پھر میں مدینے جاؤں
کعبے کو دیکھ کے کعبے کا میں کعبہ دیکھوں
مجھ کو بھی اپنی غلامی کا شرف دو آقاﷺ
خاکساروں میں مِرا نام بھی لکھا دیکھوں
سر بسجدہ جہاں رہتے ہیں فرشتے ہر دم
میں بھی سرکارِ دو عالمؐ کا وہ روضہ دیکھوں
مجھ پہ بھی شاہِ دو عالمؐ کی نظر ہو جائے
اوج پر اپنے مقدر کا ستارہ دیکھوں
انجنا سندھیر
No comments:
Post a Comment