مجھے بوڑھے لوگ پسند ہیں
ایسے بوڑھے جو چائے کی چُسکیوں میں
تلخ حقائق کو چینی کی مانند گھول کر پیے جاتے ہیں
جو کڑواہٹ میں بھی زندگی جیے جاتے ہیں
ایسے بوڑھے جن کے چہرے کی جُھریاں
ان پر گزری بے رحم زندگی کا نوحہ گاتی ہیں
ان کے سخت ہاتھوں کی بابت درد کی داستان سناتی ہیں
جو زخم اپنے سیے جاتے ہیں
جو ہنس ہنس کے زندگی جیے جاتے ہیں
مجھے بوڑھے لوگ پسند ہیں
ایسے بوڑھے جو غم کے اژدھے سے ڈسے گئے
ایسے بوڑھے جو نیل و نیل جسم کے ساتھ جیے گئے
ایسے بوڑھے جو ہر درد میں وقار سے کھڑے رہے
جن کی متانت، جن کی سنجیدگی، جن کے تحمل
نسلِ نو کو مثال میں دئیے جاتے ہیں
جو غم میں بھی زندگی جیے جاتے ہیں
مجھے بوڑھے لوگ پسند ہیں
مجھے بوڑھے لوگ پسند ہیں
گلزار
No comments:
Post a Comment