جو چل پڑے تو نہ سوچو مسافتیں کیسی

 عارفانہ کلام حمد نعت منقبت

جو چل پڑے تو نہ سوچو مسافتیں کیسی

اگر جنوں ہے تو لینی اجازتیں کیسی

سر کے بل ہم تو مدینہ کو جائیں گے فاروق

حضورﷺ نے جو بلایا تو حجّتیں کیسی

مدینہ شہر ہے ایسا کہ اس میں جا کر ہی 

پتہ چلے گا ملی ہیں لطافتیں کیسی

درِ رسولﷺ پہ جاکر تو ہم نے جانا ہے

سفر میں دھوپ کہاں اور تمازتیں کیسی

مجھے حضور مدینے میں مستقل رکھ لیں

کہ میں بھی جان سکوں ہیں عبادتیں کیسی

فاروق جرال