عارفانہ کلام حمد نعت مقبت
جو خود کو وقفِ شہِﷺ دو جہان کرتے ہیں
وہ راہِ زیست کو جنت نشان کرتے ہیں
مِرے رسولﷺ رحیم و کریم ہیں ایسے
سُلگتی دھوپ کو بھی سائبان کرتے ہیں
جبینِ شوق جھکاتے ہیں ان کے قدموں پر
ہم اپنے بخت کو یوں آسمان کرتے ہیں
شجر، حجر، یہ ہوائیں یہ دشت و بن سارے
مِرے رسولﷺ کی مدحت بیان کرتے ہیں
ہمیشہ نام انہیﷺ کا بلند رہتا ہے
رقم جو شاہِ مدینہﷺ کی شان کرتے ہیں
وہ ڈھال دیتے ہیں پتھر کو موم میں زاہد
نا مہربان کو وہ مہربان کرتے ہیں
زاہد شمسی
No comments:
Post a Comment