یہ دنیا سے الگ میرا جہاں ہے

 یہ دُنیا سے الگ میرا جہاں ہے

مسافر کو ستاروں کا گُماں ہے

مِری آنکھوں سے اس کو دیکھنا تم

محبت کی حقیقت اک دُھواں ہے

جگر کے زخم کُھلتے جا رہے ہیں 

کہیں کوئی رفوگر کی دُکاں ہے

میں آغازِ محبت میں مگن تھا 

مگر انجام، عبرت کا نشاں ہے 

یہ غزلوں کی کتابیں کس لیے ہیں

خموشی بھی تو اندازِ فُغاں ہے؟ 

وہ کیسے لا تعلق ہو سکے گا 

وہ جس کا ذکر زیبِ داستاں ہے

مسافر آج بھی لوٹا نہیں گھر 

زمانے بھر میں یہ کیسی خِزاں ہے 

عبدالرؤف زین