یہ دنیا ہے فانی تجھے ہی بقا ہے تو میرا خدا ہے

عارفانہ کلام حمد نعت منقبت

 یہ دنیا ہے فانی 

تجھے ہی بقا ہے

تُو میرا خدا ہے

میں اب ڈھل رہا ہوں 

یا ڈھلنے لگا ہوں

مِرے جذبے پستی کی تلخی کو سہنے لگے ہیں

خساروں کی فہرست لمبی ہے

 کیوں ہے؟

مجھے کوئی اُمید بھی راس آنے سے بالکل گُریزاں ہے

 کیوں ہے؟

میں بھی تو آدمؑ کی اولاد سے ہوں

میں اس  فلسفۂ ہُو کی بُنیاد بن کر 

میں لا کے تسلسل کی پہلی کڑی ہوں

خدایا، خدایا

میں تو ہر گھڑی ہوں

میں بندہ تِرا ہوں 

گُنہ گار بھی ہوں

تُو خالق ہے مالک 

رحیمی کریمی ہیں صفتیں تِری

مِری سب خطاؤں کو اگنور کر کے

یہاں بھی عطا کر وہاں بھی عطا کر

عطا کرنا مالک ہے خاصہ تِرا

کہاں بھرنے والا ہے کاسہ مِرا؟

ذیشان منظور