بھٹکے ہوؤں کے واسطے منزل کہیں نہیں

 عارفانہ کلام حمد نعت منقبت

بھٹکے ہوؤں کے واسطے منزل کہیں نہیں

تیرا کرم ہو ساتھ تو مشکل کہیں نہیں

جاؤں تو جاؤں چھوڑ کے میں در تیرا کہاں

اب تو سکون قلب بھی حاصل کہیں نہیں

ابلیس نے کیا تھا تکبّر تیرے حضور

وہ دائرے میں دین کے داخل کہیں نہیں

وحدانیت کو حق کی نہ سمجھا اگر کوئی

یہ سمجھو اس سے بڑھ کے تو جاہل کوئی نہیں

اچھے ثناء گروں میں کہاں ڈھونڈتے ہو تم

حیدر تمہارا نام تو شامل کہیں نہیں

ذوالفقار حیدر پرواز